Fundacion Dominicana Arubanse Juan Pablo Duarte a crea un team pa asina subi caya y yuda esnan den necesidad. Nan a traha paketenan di comestibel y a entrega nan na 17 famia. A logra haci esaki cu tur e donacionnan ricibi y cu e yudansa di Fundacion Pa Nos Comunidad (FPNC)
Aworaki e fundacion ta den proceso di deliberacion cu FPNC. E fundacion Dominicana ta bay traha un lista di nan mes di peticion, unda ta pone nomber di e personanan cu tin di haya paketenan cla caba. Ta haci e proceso aki cu FPNC pa haya comestibel pa personanan cu ta rekeri esaki. Lo tin controlnan pa cu esaki y segun Tavarez nan mes ta siguiendo esaki, segun Winston Tavarez, presidente di Fundacion Dominicana Arubanse Juan Pablo Duarte.
Pero lo yuda esnan den casonan mas urgente di comestibel cu no por warda riba FPNC. E pakete di Fundacion Dominicana Arubanse Juan Pablo Duarte no ta mescos esun di FPNC, pero algo ta algo pa casonan urgente cu no tin nada di come.
Tin algun hende ta aportando individualmente y esaki ta bon bini. Mientras cu ta den e proceso cu FPNC, e productonan den e paketenan ta bin di nan. Pa casonan mas urgente e Fundacion Dominicana Arubanse Juan Pablo Duarte a bin cu nan mesun pakete, p’esey ta pidi tur hende pa haci donacion.
Por tuma contacto cu nan na 5921679 of 5623093. Comerciantenan cu kier yuda ta bon bini. Segun Tavarez hamber no conoce frontera, ni color politico, ni rasa, pero ta pidi tur organisacion pa yuda pasobra tin hopi hende cu mester articulonan urgente.
