FTA a bay parlamento den un lucha fuerte pa e trahadonan di aeropuerto. Nan tabata den un incertidumbre, trahando den un situacion hopi dificil, porfin a bin compronde cu e asamblea general di accionistanan, a tuma un decision pa para den tur forma e proceso pa termina relacion di trabao di e trahadonan di Aruba Airport Authority, den manera forsa.
Presidente di FTA, Hubert Dirksz, a splica cu no por forsa ningun hende acepta retiro. E mester bay den acuerdo mutuo, e mester ta boluntario. E proceso aki mester ta haci na un manera corecto y mester tene cuenta cu si e ta boluntario, si kier pa e hende bay, tin cu haci’e husto.
Na e momentonan aki, Aruba den un crisis, tur hende preocupa, perdiendo entrada cu stress total, FTA no ta kere cu ta na su luga pa e trahadonan ta forsa na e momentonan aki pa acepta retiro.
Danki na e trahadonan, FTA ta haya hopi bon di nan parti, e miembronan y no miembronan cu a dicidi pa para pa mustra cu nan no ta di acuerdo cu e manera cu e situacionnan ta na aeropuerto na e momentonan aki.
Despues di esey, diabierna lo sinta na mesa un biaha mas cu directiva cu no a yega ningun caminda. Ayera a informa e director di aeropuerto cu tur e procedura aki ta para inmediatamente.
No tin ningun proceso pa termina relacion di trabao di manera forsa y e proceso di reorganisacion mester ta evalua pa otro aña y pa evalua si ta bin bek cun’e.
Tambe di biaha a pone cu mester introduci e asina yama Evelyn Wever-Croes norm pa wak kico ta e efecto financiero pa e empresa.
FTA ta gradici cada un miembro, cada empleado di AAA pa nan apoyo, pa nan lucha, pa nan insistencia, pa yega asina leu cu por a para e proceso aki.