Despues di 1’or di merdia informe a drenta cu na un adres na Zumbo, Santa Cruz, di un forklift a bolter y cu e chauffeur ta herida. Un patruya di Polis a sali mesora pa e sitio menciona.
Na nan yegada a topa cu e forklift benta riba su banda y e tabata blokia caminda completo. Mientras cu e chauffeur tabata sinta riba un baranca. Un testigo na e sitio a bisa cu e Forklift tabata bahando for di un caminda cu ta bay na un cas riba e sero. Na momento cu e tabata reverse, e rem a los laga bay. Consecuentemente e forklift a bin atras cu velocidad di e bahada y a cay riba su banda.
E chauffeur mes a cay for di e forklift y a dal parti patras di su cabes. E impacto a laga basta azeta plama riba caminda y coleganan di e chauffeur di e Forklift a cuminsa tira santo riba e azeta. Ambulance tambe a presenta na e sitio y e paramediconan a atende e chauffeur y despues a transporta e herido pa hospital, pa chekeo medico mas avansa.
