Dia 26 di yüni último, Swim Club Orca Curaçao tabatin su weganan final di e torneo interno di waterpolo.
Den e grupo di U10, e tim di Orca Right Fin (coach Radjinder Angelica), ya kampion for di siman pasa, a hunga un wega di treinen kontra e tim di Orca Left Fin (coach Mayron Hermanus). E wega di treinen aki Orca Left Fin a gana 6 pa 3.
Den e grupo di U12 kombiná ku U14, e tim di Orca Back (coach Vernon Toré) a gana di Orca Belly (Coach Steven Louisa) 8 pa 3. Despues di e partido, mester a tira “penalty” pa kita e desenpate. Ámbos ekipo a tira nan sinku (5) penalty, tur dos (2) ekipo a anotá tres (3) i faya dos (2) penalty, despues a sigui un (1) penalty pa kada ekipo. Orca Belly a faya i Orca Back a anotá, asina titulá kampion.
Den e grupo U14 kombiná ku U16, e tim di Orca Tail (coach Lindy Brown) a gana 10 pa 7 di e tim di Orca Dorsal (coach J. Paulo) pa titulá kampion.
Den e grupo di U19 kombiná ku Señor, e tim di Big Orca (coach Steven Louisa) a gana 10 pa 6 di e tim di Massive Orca (Coach Echently Lourense) pa titulá kampion
Asina Swim Club Orca Curaçao a finalisá e temporada di natashon pa loke ta trata e temporada 2017/2018. Direktiva ke gradisí i yama danki na e atletanan, mayornan, coachnan i tur boluntario ku ta yuda engrandesé e deporte di waterpolo na Kòrsow
Direktiva di Orca ta ekstendé un invitashon na e pueblo di Kòrsou, mayornan si e yu no tin un deporte ta práktika, pa na ougùstùs próksimo trese yu, mucha hòmber òf mucha muhé pa nan bin purba wak si nan ta gusta e deporte di waterpolo.
Pa mas informashon, tokante di Swim Club Orca Curaçao, por yama na telefon 529 6586
