No falta mucho pa e fiesta anual di Cruz Cora y cu orguyo, dos siman anterior por confirma cu e fiesta ta completamente bendi. Indra Pereira ta coordinado di evento y mercadeo di Cruz Cora, durante un conferencia di prensa el a expresa su gratitud p’e sosten di ricibi di comunidad.
E forma con ta organisa e evento ta mira cu ta un exito. Ta di demostra cu e formula ta funciona. Claro, danki na tipo di fiesta asina Cruz Cora por continua cu su proyectonan pa comunidad manera; Food Kitchen na San Nicolas, proyectonan social na scol y sosten pa cas, evento pa adulto mayor y mucho mas. E evento mes lo tuma luga riba 29 di juni proximo.
Robert Jeand’or lo t’ey cu su Solo Banda p’asina apoya e causa. Claro, bon musica y bon ambiente ta locual cu Solo Banda lo sa di sigura pa e evento aki. No ta prome biaha cu evento aki ta tuma luga. E ta un fiesta exitoso pa e ultimo añanan aki. Tin diferente compania cu a aporta na e fiesta aki, manera Romar Trading.
Nan lo ta presente cu nan productonan conoci p’asina tur por disfruta die ‘Bohemian Night’ organisa pa Cruz Cora. Manera indica, ya no tin espacio pa cumpra ticket mirando cu e ta full bendi, pero ta mas bien pa gradici e comunidad pa cumpra nan ticket p’asina sigura cu e proyectonan di Cruz Cora por sigui danki n’e fondonan cu nan ta ricibi.
