FEPO: Hendenan na Aruba ta mas exponi na zonido duro compara cu Hulanda

412

Awor, cu nos ta den temporada di Carnaval, FEPO a constata cu mas hopi hende ta cuminsa busca earplugs. Nan ta bende esaki, pa mucha como tambe pa adulto y na diferente prijs.

FEPO tin cliente di tur edad. Mas tanto adulto y e por ta cu nan a nace cu problema di oido of cu despues nan a haya problema

FEPO: Hendenan na Aruba ta mas exponi na zonido duro compara cu Hulanda

FEPO: Hendenan na Aruba ta mas exponi na zonido duro compara cu Hulanda. Click link pa mas https://24ora.news/2FMgPtA

Posted by 24ora on Tuesday, January 14, 2020

Segun Olga Versteeg, Akoepedist di FEPO, nan ta haya varios cliente cu tabata traha den Lago den pasado, y cu awo ta grandi. Ora cu ta haci test cu nan por mira claramente cu door di ta exponi na  zonido duro, awo tin un perdida di oido.

Tur hende ta consciente cu ora zonido duro ta haci efecto na e oido, por mira den e audiogram un dip. Ora cu ta mira esey ta riba 4 megahertz. Tambe ta test riba 6 diferente frecuencia. Ora mira e dip, ta nota cu zonido duro ta causa e perdida.

E ta varia si, pasobra si nan ta den zonido duro tur dia y e ta depende con duro e zonido ta tambe. Ya sa cu mas duro e zonido ta, mas cortico bo ta aden pa haci un daño. Por ehempel, 80 decibel ta grens. Si ta traha un caminda cu tin zonido di 80 decibel, por traha ocho ora aden sin problema.

Despues di esey si tin problema. Si e bira 83 decibel, e ta bira mita. Despues di 4 ora caba, ya bo por haya un problema cu bo oido. Si ta 3 decibel adicional, e ta bira mita un biaha mas. Esey caba, si pensa riba carnaval y ta haci e calculacion, ta nifica cu ora e speaker ta riba 110 decibel y ta hopi cerca di dje, diripiente bo por haci un daño na bo oido.

E daño no ta asina grandi di biaha cu bo ta bira sordo di biaha. E ta bay paso pa paso, poco poco e ta bira mas, segun Versteeg.

FEPO no tin realmente un cifra, pero a base di informacion for di Hulanda, sa cu mas of menos 10% di e poblacion lo tin un problema di oido. Ta haya cu Aruba, compara na Hulanda, ta wordo exponi mas hopi na zonido duro. Tambe pasobra no tin realmente un bon ley pa proteha.

Si bo ta sinti dolor di orea, e zonido ya a haci daño na bo oido. Tambe si bo ta sinti cu bo ta keda cu un fluit den bo orea (tinitus), por keda mas tanto pa algun ora, por ta un anochi, e ta señal di daño.

Hasta si e daño ta basta grandi e por keda pa semper. Basta hende tin molester di tinitus Si por evita esey, e ta bale la pena.