Federacion Gymnastico Arubano a organisa curso pa coach tanto local como internacional. Meta di esaki ta pa siña e coachnan con por duna gimnasia na tur esunnan cu kier practica e deporte aki, desde mucha te cu adulto mayor.
Milly Bagheri, presidente di Federacion Gymnastico Arubano, a splica cu durante henter e siman aki nan a tene curso di coach den nan Club Gihae Gymnastics. E curso aki no tabata solamente p’e coachnan di Aruba pero tambe pa region. A conta cu presencia di coach di cinco pais.
E curso aki ta uno fundamental cu ta crea e base pa sigui mehora e gimnasia. Tambe nan por ofrece esaki na mas hende posibel. El a expresa cu gimnasia ta un deporte cu por ta practica na tur edad. Semper ta pensa cu e muchanan so por haci esaki, pero “Gimnasia para todos” ta trece e bista cu gimnasia por ta practica pa diferente edad. Semper y cuando di tin e tecnica como experticio, pero tambe pa tin un curso asina aki p’asina por sa kico ta haci cu mucha hoben y hende grandi.
Bagheri a expresa su gratitud cu FIG y Union Paramericano pa sostene nan cu e curso aki.
Marco Bortoleto, presidente di Comision di Educacion di Federacion Internacional Gymnastico (FIG), a splica cu e federacion a organisa mas di 25 aña pasa a desaroya un programa di educacion. E curso cu a cuminsa cu e programa, e base, ta yama fundamento di gimnasia, cual nan a realisa durante e siman di curso.
E curso aki por tabata posibel danki n’e cooperacion di Federacion Internacional Gymnastico, Union Panamericana, Federacion Gymnastico Arubano, pero specialmente danki n’e participacion di e coachnan di Aruba como di otro pais.
Pa mas lesa TREMPAN.COM.
