Relaciona cu e yegada inaugural di e crucero Carnival Venezia, e director di Aruba Ports Authority N.V., Marc Figaroa, a presenta un obsekio special na e capitan, Crescenzo Palomba. E plakkaat ta traha di palo recicla, for di e waf di Oranjestad. E ta data di mas cu 40 aña pasa como parti di e historia di nos waf.
A corta e palo aki cautelosamente, a polish e y a graba riba dje den forma di un plakkaat. Orguyosamente APA a presenta e obsekio special aki na momento di eventonan historico, manera ta e prome yegada di dicho crucero dia 4 di october ultimo.
