Jeffrey Matos di Centro Kibrahacha a splica cu e famia ta hunga un rol hopi importante den cuido y yudanza pa e grandinan. Sigur ora di hibanan na centro Kibrahacha y yudanan pa asina nan por tin cos di haci. E ora ey, ta yega den e parti di mantelzorg, unda cu por mira cu e famia, na momento cu un hende bira grandi, cu yiunan ta cay aden, mester yuda pa hiba dokter, of yuda pa dun’e sosten na cas. Ta hopi importante pa por concientisa, cual ta un tema cu por sigui discuti riba dje, pa stimula e gruponan cu tin e papel pa stimula nan mayornan y trece nan.
Tur dia Kibrahacha ta haya cliente. Diadomingo tabata tin un evento, unda cu un persona a trece su wela eynan pa bira miembro y e fundacion ta stimula esey.
E centro di actividad ta na Piedra Plat 23 y por yama 5825139, caminda cu por yama semper, pa haci un cita y nan ta mas cu bon bini.
Ta un Centro habri di dialuna pa diabierna. Parti mainta tin actividad, caminda tur hende por pasa y wak e actividadnan.
Centro Kibrahacha ta 60+. Movecion ta hopi importante y actualmente ta cuminsando cu actividadnan parti merdia. A amplia e actividadnan despues di merdia. Specificamente cu tayer pa gruponan mas chikito.
Semper Centro Kibrahacha tin mester di voluntario. Riba e tereno di embehecimento total, sin papia di e fundacion mes, nan ta un rolemodel pa comunidad pa loke ta voluntario. Tin 38 voluntario y no ta facil. E tarea tey pa entrena, guia y pa haci e trabao bon. E ta conoci cu hopi organisacion na Aruba tin limitacion na voluntario, pero sigur Centro Kibrahacha ta pensa riba e tereno con pa stimula mas hende pa bira voluntario y sigui yuda riba tereno di embehecimento na Aruba.
Club Kibrahacha 60+ no ta duna cuido. Ta enfoca riba esaki. Nan ta un centro di actividad. Tin persona cu ta bin cu rolstoel, otro ta bin cu rollator, pero semper tin cu bin cu un guia pa yuda nan, pa si en caso mester bay baño of transporta nan mes riba e infrastructura.
Ta importante pa comunidad di Aruba mester ta conciente. E trabaonan cu ta wordo haci, hunto cu Departamento di Salud Publico y e fundacion y e otro fundacionnan cu ta traha hunto pa sirbi nos grandinan, mester ta alerta. Ta importante pa keda pendiente y keda activo pa stimula nos grandinan, pa nan keda activo den nos comunidad.
