Loke hopi hende tin miedo di dje no sa sosode cu frecuencia na Aruba, ora cu desconocidonan ta drenta un cas di famia y ta atraca nan. Eynan tur siguridad ta kibra na filigrana. Esey ta loke a pasa diamars anochi pa 11:56 pm, ora cu polis mester a bay cu maximo urgencia na un cas di famia den De Bruynewijk na Savaneta, unda cu desconocidonan a tira un atraco riba e habitantenan di e cas.
A cuminsa haci investigacion di e caso, tuma descripcion di e sospechosonan y kico exactamente a sosode.
Atraco Team tambe a presenta pa pone nan mes na altura di e situacion.
E team di recherche ta haciendo nan investigacion pa asina determina si en berdad ta trata aki di un atraco of no. Nos ta keda pendiente pa mas detaye riba e caso aki, cu sigur a sacudi e bario di De Bruynewijk.
