Tin un total di 88.997 di vehiculo di motor registra na Departamento di Impuesto. Fuera di esey tin un total di 80.4% di contribuyente cu a paga nan impuesto, cu ta traduci den 71.529 contribuyente. Cu esaki director di Departamento di Impuesto (DIMP), Luenne Pieters, den un rueda di prensa, a menciona di ta hopi contento, mirando cu e contribuyentenan a cumpli cu nan pago di impuesto. Ta compronde cu tin cu haci esaki na tempo.
Tin un total di 15.204 plachi cu no tin pago riba nan. Esey ta 17.1%. Sin pago ta plachi A-12.570, DT-203, MFA-466, Naamplaat sin pago ta 185 y V-plaat, sin pago 1.142.
Tambe tin algun contribuyente cu a entrega nan plachi na tempo, cual ta 2264, mirando cu nan no lo haci uzo di nan plachi di number durante 2021.
Fecha final di pago pa e di dos final di pago di impuesto pa vehiculo di motor ta dia 30 di juni. E fecha aki, ta aplasa te cu dia 2 di augustus proximo.
Cu esaki, Pieters ta haci un apelacion na e contribuyentenan cu no a paga nada riba e impuesto di vehiculo di motor, pa bin haci nan pago, pa nan evita cu nan ta haya un cobransa adicional y cu un boet.
E pago por sosode den un manera parcial, cu a introduci aña pasa. Si mira bon, lo por paga juni 50 florin, juli 50 florin y augustus 50 florin, cu ta yega na e suma total di e di dos mita di impuesto cu mester cumpli cu ne.
Den e prome mita di aña a saca 15.603 cobransa adicional pa contribuyentenan cu no a cumpli. Esaki por evita si cumpli cu e pagonan na tempo, cu e pagonan parcial, sistemanan cu tin pa facilita e cliente, pa asina aki no tin nodo di haya boet innecesario of cobransanan innecesario.
Pa mas detaye lesa matutino TREMPAN.
