Diasabra atardi a sosode un accidente na altura di Arubus na Wayaca. Ta entre un Kia Rio color blanco V-30 y un Chevrolet Aveo color shinishi numera A-42551. E Aveo tabata riba caminda di santo y no a duna preferencia na e Rio cu tabata riba su caminda di preferencia.
Daño material tabata considerabel. E pasahero y chauffeur di e Kia Rio a resulta levemente herida cu algun rasca na curpa, na yegada di ambulance, e victimanan a nenga atencion medico. Specialista di trafico di polis a documenta e accidente aki.
