Despues di un otro reaccion positivo ricibi pa comunidad di Aruba, Fundacion Anti Droga Aruba, ta lansa su di 5 temporada di documentario basa riba bida real.
Den e serie di documentario aki lo ricibi un variacion di storia real, di persona cu a yega di sufri di un adiccion y a rehabilita.
Persona cu ta lucha cu enfermedad di salud mental pa motibo di diferente trauma. Lo bo compronde pakico ta importante pa busca ayudo na tempo, ora cu ta sinti un desbalansa cu salud mental, ansiedad y depresion.
Lo bo scucha con efecto di stuur bao di influencia di alcohol tin consecuencia pa un inocente riba e caretera di Aruba.
Trintinuebe aña pasa a funda FADA cu e proposito pa preveni uzo y abuso di droga y alcohol y otro topico di adiccion riba nos isla.
Recientemente FADA a cuminsa cu un reto nobo, unda cu ta brinda prevencion riba e cuido di salud mental. E proposito di e documentario ta na altura di e origen, factor entre otro problema social, desbalansa den fama, abuso sexual, emocional y fisico, trauma, mal amistad cu por conduci cu un persona ta tuma e decision pa haci uzo di un substancia legal of ilegal.
Salud mental di un persona ta depende di entre otro di con ta cuid’e y scucha durante su infancia. Hopi biaha no ta mira e fruto di esaki di biaha. Cu aña e consecuencianan por afecta e bida di un ser humano.
Ta importante pa reconoce cu uzo di substancia legal of ilegal por conduci na problema cu salud mental y e problema di salud mental por hiba na uzo di droga y alcohol.
Den e documentario comunidad di Aruba lo presencia storia cu autorisacion di cada un persona cu tabata dispuesto pa conta nan realidad. Cada storia su contenido ta diferente. Remarcabel ta cu tur e storianan aki tin efecto riba salud mental.
No solamente den e persona cu ta pasando den e situacion sino tambe cerca su sernan keri. Adiccion no conoce discriminacion, e no conoce ni colo, ni rasa, ni religion, ni sexo. Adiccion of enfermedad di salud mental por bati na porta di cualkier ser humano.
CONOCE E STORIA DI JAMIE
Den e episodio aki FADA (Fundacion Anti Droga Aruba) lo bay enfoca un poco mas riba salud mental. Den e episodio aki nos lo cera conoci cu Jamie, kende lo conta den su storia un poco mas di su desbalansanan cu salud mental tin cu ne. Entre otro high functioning anxiety. Un condicion cu un hende no sa cu ta funcionando bao presion di ansiedad y ta sigui funciona normal te na un momento cu e ta yega na un punto di cay den otro.
Jamie lo conta tambe un parti di su infancia cu a causa un trauma enorme riba dje como persona y lo splica con el a yuda su mes di e situacion aki, por medio di entrega y acepta cu e tin desbalansa cu salud mental.
E bataya di salud mental no ta facil y hopi biaha no tin cura, pero si tin yudansa y guia con pa controla y biba un bida mas balansa.
E episodio aki lo ta dia 10 di october, riba e mesun plataforma aki, esta 24ora.com, pa 9:00 pm. No perde e programa interesante aki, presenta pa FADA Aruba. Haya sa kico mas e tema di salud mental ta encera y conoce e storia di Jamie.
