Gobierno di Aruba a firma e acuerdo di refinanciamento cu Hulanda pa e debenan di Covid. Awe tardi laat, Gabinete Wever-Croes II a anuncia cu, despues di a tarda, a opta pa riba e ultimo dia, core firma pa e fiansa di Covid. Lo paga Hulanda bek den 20 aña di tempo, anto na interes di 6.9%.
“E interes no ta conforme mercado y pesey Gobierno di Aruba lo sigui haci su maximo esfuerso pa haya fiansa na interes mas abou”, asina Minister Presidente mr. Evelyn Wever-Croes a bisa den un grabacion haci hunto cu su partner di coalicion, Minister Ursell Arends. Ta reconoce cu esaki no ta e miho deal cu Aruba por a haya, pero pa awo nos isla no ta keda cu un otro alternativa.
https://www.facebook.com/GabineteWeverCroes/videos/244569701544768
Echo ta cu Hulanda ta dispuesto pa duna un interes reduci, pero cu condicion cu Aruba ta firma pa supervicion financiero na nivel di Reino Hulandes, mescos cu Corsou y Sint Maarten tin caba desde 13 aña pasa. Pero, como cu Gobierno di Aruba ta contra un ley di Reino pa bin cu un RAft, no ta keda nada otro cu acepta e “strafrente” impone riba nos isla.
