Ariba diadomingo 13 di augustus a tuma lugar un biaha mas Experience San Nicolas (ESN)- The Back to School Edition. ESN a ricibi bishitantenan di full rond di Aruba cu a bin pasa un rato den famia tumando parti na actividadnan di e dia aki. MiSimia tambe tabata presente cu un POP-UP store den caya.
Taoist Tai Chi tambe a duna nan demo y informacion di e importancia di con nan comunidad trahando hunto ta logra nan meta y con e arte di Tai Chi ta beneficia tur practicante den salud mental y physico. E workshop di Reginald de Palm tabata un workshop cu a trata e parti technico di poesia. Den esaki a trata uso di sonido, syllaba, ritmo, accentuacion y rimamento. E participantenan a hanja un splicacion unda nan por a identifica diferente poesianan tradicional y diferencia esakinan for di e formanan di poesia moderno. E artistanan/poetanan ta duna esaki den forma gratuito pa asina e participantenan por sera conosi cu e arte di poesia y deferente technicanan di scirbi esakinan. Den un Cosecha Creative Center jen, participantenan a sinja con ta traha un etui cu boter di plastic. Tambe nan a sinja techniek basico di cose. Cosecha kier a gradici e artesano Natalia Koolman pa guia e workshop creativo aki. Tambe Cosecha kier a gradici Charlies Bar Aruba y Mauchies Smoothies pa nan donacion di gift certificates. Cosecha ta bai keda focus riba workshops cu material recicla. Pa keda informa tocante e workshops di Cosecha y pa check e ganadornan di e gift certificates, por check Cosecha su pagina di Facebook. For di Mainta tempran e team di Espacio tabata tin nan set up den entrada di promenade.
Espacio a encurasha esnan cu tabata di paseo den caya pa participa den e scavenger hunt. Por a mira muchanan y adulto canando den cayanan di San Niolas discubriendo diferente hecho y informacion nobo di e ciudad. Manera informacion di museonan, e arte ariba e murayanan y su attracion principal. Afortunadamente tur cu a participa den e scavengerhunt a ser premia cu un regaldo pa nan participacion, den un mainta diferente. Museum of Industry y Community Museum a ricibi bishita di amistadnan y famianan cu hunto a tuma parti na e museum scavenger hunt. Como cu tabata tin masha interes pa e special tour di 12’or di
merdia ta ripiti esaki den e siguiente edicion di Experience dia 3 di september 2017. Museo ta gradici, Bushiri Karting, Phillips Animal Garden, Ostrich Farm, Van Dorp, Aruba Waterpark y Butterfly Farm pa nos premionan di raffle di e luna aki. Pabien na tur ganadornan. E team completo di Experience San Nicolas kier gradici tambe e famia completo cu ta consisti di otro
venuesnan manera: O’neil Caribbena Kitchen, Joy’s Restaurant, EL Gallo Rojo, WEMA, Alankar, JM Enterprises, La Aruba, Aruba Store y Jads Dive Center and Rum Reef Bar & Grill.
Buska nos ariba Facebook: “Experience San Nicolas” y keda up to date locual ta actividadnan p’riba di brug. Nos siguente edicion ta diadomingo 3 di september 2017 cu focus ariba turismo.
