Aunke cu for di diabierna caba a manda un mensahe di bos riba e impasse cu a presenta den seno di partido POR, awe atrobe Minister Presidente y alabes lider di MEP a expresa e mesun opinion, pidiendo partido POR pa regla nan problema interno den nan cas.
MEP obviamente no kier hunga e rol di “referee” den e discusion interno entre e dos politiconan. Ta sinti cu MEP lo prefera pa e impasse no yega Parlamento tampoco, den cual mayoria lo mester vota pa sea baha e Minister of sostene y cu consecuencia cu ta bin un impasse den coalicion cu POR.
E prome mandatario a corda tanto Otmar Oduber como Marisol Lopez cu Gobierno ta pasando den retonan sin prescedente, cu desempleo aumentando y economia den crisis pa motibo di Coronavirus. Awor aki no ta tempo pa e tipo di discusionnan politico asina.
Na final Evelyn Wever a suplica pa partido POR pa maneha nan problema interno den forma profesional, husto y amical.
