Cu hopi determinacion Anthony Bryson a pone como meta pa den aña 2023 e logra su prome corona di Miss Universe y destino a pone cu su deseo a bira realidad ya caba den e di dos siman di aña. Y mientras cu nos fabulosa representante Kiara Arends no a yega asina leu manera nos tur lo a desea, Bryson tambe a sa di pone e nomber di Aruba halto den e circuito di expertonan di beyesa.
Su conocemento tabata instrumental den e preparacion di e representante di Miss USA, R’Bonney Gabriel kende a bay cu e corona di Miss Universe 2023, mientras cu el a asisti tambe e ekipo tras di prome finalista Miss Venezuela, Amanda Dudamel, mescos cu esun di Miss Corsou Gabriela dos Santos cu a cay den e top 5 finalista.
Den forma exclusivo, el a duna 24ora.com/TREMPAN un entrevista apenas cuater dia despues di e certamen, caminda ainda e ta procesando su mes e magnitud di su logro. Entre e hopi informacion cu el a comparti, ta papia di su proyectonan riba termino cortico y largo, y e reaccion cu e ta hayando for di Aruba y otro paisnan.
