E campaña sensacional di 24ora.com a termina diahuebs ultimo ora a saca e ganado y diabierna atardi ora a bishita e ganado, di sorpresa, pa entreg’e su premio. A yega cu tres SUV pa por a baha tur e premionan formando parti di e basket mas grandi di Aruba. Tabata un forma pa yama danki na tur nos siguidonan, tur nos usuarionan, tur cu ta gusta nos storianan y ta comparti nan riba red social. Elsely Rincones a resulta e ganado absoluto.
E ekipo di 24ora.com a presenta na cas di Elsely na Sabana Blanco pa entreg’e su premio, den presencia di su yiunan y su mayornan. Un famia grandi cu awor ta cla pa celebra nan fin di aña.
E basket a encera 10 caha di Coca Cola, 10 caha di refresco Tropical, 10 caha di cerbes Chill, cortesia di Brouwerij Nacional Balashi. Un caha cu whisky, rom y biña, cortesia di Romar Trading. A hiba un caha completo cu 7 pia di ham, un caha di galiña henter y calacuna, cortesia di Compra Ltd. Un cadeau bon di 500 florin pa cumpra den Ling & Sons Supermarket. Bale di gasolin pa yena e auto full tank pa bishita famia e Pasco aki, cortesia di Fuels Marketing & Supply Aruba (FMSA). Y comosifuera poco, 10 entrada VIP pa mira pelicula na The Cinemas na Renaissance Marketplace.
Hopi usuario a like & share pa gana e premio, pero a toca suerte na Elsely Rincones pa gana e premio. Masha pabien Elsely cu bo premio di parti di 24ora.com.
Riba e fotonan y video adhunto por aprecia e ekipo di 24ora.com entregando e premio. Di e forma aki ta duna bek, na e comunidad cu ta sostene nos y sigui nos 24 ora pa dia!
