E grupo den e aseguradonan di 65 aña of mas ta duna AZV e impresion di e proceso di bira bieu cu poblacion ta pasando den, na final di dia e lo tin su impacto riba e fondonan. Den e proximo añanan e cantidad di biehes lo aumenta mas.
ir. Edwin Jacobs, director di AZV, a indica cu e ta un realidad cu gasto pa un persona den su trayecto di bida ta cuminsa ora e ta nace. E tin un gasto halto pero despues di dos pa tres aña e ta baha bek na un nivel. Pa un hende muhe cu ta den su edad di fertil e ta bay subi pa motibo di embaraso, si ta un hende homber e ta keda un poco mas abou.
Solamente den caso di accidente e ta aumenta. Despues di 35 pa 40 aña gradualmente e gasto promedio ta sigui subi segun e edad ta subi. Te banda di 85 aña bay ariba e gastonan ta establisa y ta cuminsa baha. Segun e director, un hende di e edad ey a pasa den tur tipo di enfermedad y mucho mas no ta afecta.
Den caso di Aruba, dies aña pasa diesun porciento di e aseguradonan tabatin 65 aña of mas. AZV a cera 2022 cu 17.5% di e aseguradonan tin 65 aña of mas. Den dies aña por mira un aumento di mas di 50% den cantidad di relativo di e grupo di asegurado di 65+.
Pa por tin un idea di kico esaki ta significa den comparacion cu otro pais, Jacobs a uza Hulanda. El a indica cu na 2020 cu 20% di e poblacion di asegurado Hulandes tabata 65 aña of mas, mientras na 2021 na Corsou casi binti porciento di e poblacion ta 65+. Incluso e cantidad den e paisnan occidental ta aumentando.
Pa mas lesa TREMPAN.COM.
