E comando cu Hesus a duna , ta para skirbi y ta keto bay vigente, pasobra palabra di Dios no ta cambia, tur dia su balor ta aumenta y ningun hende por pone condicion pa Dios.
Hesus a bisa: Bay den henter e mundo y predica e evangelio na tur criatura. Esun cu kere, y a wordo batisa lo ta salba, ma esun cu no kere lo ta condena.
Den un palabra simpel e evangelio di Dios mester wordo predica na un persona, pa e kere, prome cu e wordo batisa.( Pasobra esey ta e mandato di Hesus Cristo).
E señalnan aki lo compaña esunnan cu kere; Den Mi nomber nan lo saca demoño, nan lo papia den lenga nobo, nan lo coge colebra cu man, y si nan bebe cualkier veneno mortal, esey lo no haci nan daño, nan lo pone man riba hende malo y esakinan lo bira bon.
Pa e cosnan aki por bira realidad, nos mester kere den Esun cu a bisa cu e señalnan aki lo compaña esunnan cu ta kere.
Pa nan sosode nos mester cumpli cu nan manera ta para skirbi, sin kita , sin pone, sin haci menos, sin duda, no scoge kico nos kier haci, y kico nos no ta haci pasobra tur lo cual Cristo Hesus a bisa nos pa haci nos mester haci.
Kico ta pasa awendia?, Ta parce manera hende no tin Fe pa haci cosnan abierto , manera Hesus a bisa , pero si nos wak bon con maldad a avansa y con e ta wordo practica den nos bista tur dia , nos mester haci locual Dios a manda nos.
Un bebedo di whisky ta bebe publicamente, e bruha ta haci bruheria abiertamente,e adicto ta uza droga abiertamente, un auto ta pasa banda di bo, y holo di marihuana ta bolter bo stoma, prostitucion ta tuma luga abiertamente, homosexualismo y lesbianismo ta tuma luga abiertamente, hasta nan ta lucha pa nan derecho di matrimonio di mesun sexo.
Awor kico ta kita e yiunan di Dios, yena cu Spirito Santo pa halsa nan bos y uza donnan cu Dios a duna ( 1Corintionan 14;2) y haci oracion, y cuminsa reprende podernan di scuridad abiertamente, tur caminda,
Mas grandi ta esun cu ta den nos , cu esun cu ta den mundo, den Cristo nos ta mas cu vencedor, y tur cos ta posibel pa esun cu ta kere.
Si maldad ta halsa bos, si maldad ta wordo apoya , anto a yega tempo pa e poder di Dios wordo demostra, ( 1 Reynan 18: 36-38) pero e no por sosode si nos no ta kere, ora nos kere e Spirito Santo di Dios lo manifesta na nos fabor y lo haci cosnan grandi.
Hende mester wordo evangelisa, pero no ta eynan so tur cos a keda, tin hopi mas pa haci, pasobra tin spiritonan cu Hesus mes a bisa , cu nan no ta sali , si no ta pa medio di Oracion cu Ayuno, esey ta nifica cu nos no por lubida cu liberacion mester tuma luga.
Pasobra mientras cu liberacion no tuma luga mal habitonan lo keda molestia.
Nada di locual Cristo Hesus a bisa pa wordo haci den Marco 16:15-19 no ta para skirbi pa haci nan scondi, nan mester wordo haci publicamente, pasobra nan no ta wordo haci cu autoridad di hende, pero cu autoridad di Dios.
Ora nos ta kere den Señor , E mes lo traha hunto cu nos, y lo confirma su Palabra pa medio di señalnan cu ta sigui. (Marco 16:20).
Sinceramente, Pastoor Marcel Balootje.
Tel 7403237/ 5677234.
