Diahuebs anochi e directiva Brazil Taekwondo Stichting a reuni na Centro di Bario Brazil pa habri e 3 envelopnan cu e votonan aden di e 3 Grand Masternan: Marilu de Veer, Chaco Cornelio y Eric Barry.
Miriam Koolman tabata presente di parti prensa pa asina ta testigo di full e proceso, for di habrimento di envelop te na forma y hinca e
calender di 2018 den otro. Josefa Willems ta e tesorera di Brazil Taekwondo Stichting y e tin varios aña caba ta bin cu bon ideanan pa e
potretnan den e luna di aña. Semper ta vota dilanti tur hende presente pa e potretnan bay den e luna cu e ta coresponde.
Miriam Koolman a keda impreciona cu e bunita potretnan cu a wordo saca y 18 so por bay den e calender 2018.
Alberto Klabér a bin cu varios escenario cu e potretnan, pero ta 18 so por bay aden y tur otro potret lo keda afo, esaki ta pasa tur aña.
Tin hopi potret bunita y bon saca cu no ta bay den e calender. Tur aña ta bishita diferente luga pa saca potret pa no tin potret cu por ripiti
den e calender.
Awor cu e 18 potretnan a haña nan luga den e calender, lo hiba esaki pa Mauro Jones pa e por layout e calender pa asina hiba esaki pa un
luga di imprenta aki na Aruba. Nos ta spera cu na luna di October e calender di 2018 lo bay ta ariba mercado.
Nos kier a gradici Lotto pa Deporte pa e sosten brinda y pa kere den e plan di Brazil Taekwondo Stichting.
