E siman aki Garage Centraal Aruba ta celebra su car show di fin di aña, y e biaha aki a bira mas amplio.
Adicionalmente na “The End of Year Car Show”, cual lo ser celebra diasabra 30 di November entre 9’or di mainta cu 2’or di atardi, Garage Centraal Aruba lo ta celebrando cuater “Bank Days” entre diamars 26 cu 29.
Cada dia lo tin un banco diferente presente na showroom di Garage Centraal pa yuda esnan cu desea busca un auto nobo. “Bank Days” ta habri diamars 26 cu Banco di Caribe den showroom, sigui pa diarainson 27 cu RBC Royal Bank, diahuebs 28 cu Aruba Bank, y lo culmina diabierna 29 di November cu CMB.
Y manera a ser menciona caba, diasabra lo celebra “The End of Year Car Show”. Den un showroom decora cu ambiente di pasco, Garage Centraal Aruba lo habri su portanan entre 9’or di mainta cu 2’or di atardi pa ofrece bishitante su autonan, cu ambiente musical agradabel y tur banconan presente.
Garage Centraal Aruba lo tin disponibel pa tur esnan cu desea busca un auto nobo e variacion amplio di autonan cu calidad reconoci di Hyundai manera e Tucson, e IONIQ Electric, e Grand i10 Sedan y hopi mas. Di banda di Isuzu lo tin disponibel e variacion di pickup D-Max, mihor conoci como “E Hefe”, ademas di e Isuzu mu-X SUV, cual calidad a hacie e opcion di nos Cuerpo Policial. Finalmente, e autonan di e fabricante mas grandi na nivel mundial, esta Volkswagen, tambe lo ta disponibel, cu modelnan cu ta bai for di e Tiguan SUV te na e Saveiro sub compact pickup.
E invitacion ta keda na tur esnan cu desea di habri aña nobo cu auto nobo pa asisti na Garage Centraal Aruba durante e siman di “The End of Year Car Week”.
