ATCO Concrete products a anuncia nan “Yard Sale Week” cu lo dura un siman largo, cuminsando 1 di juli te cu 10 di juli. Ta pa prome biaha cu ta opta pa tene e Yard Sale cu duracion di un siman.
Lo tin diferente descuento riba practicamente tur material, incluyendo riba pavers ( 5-6 cm) cu prijsnan atractivo manera entre otro Fl.40,= pa m2 cu ta den e diferente model y colornan disponibel. Por menciona tambe 17% di descuento riba e split block hollow 6 cu ta e tipo di bloki cu no mester pleister ni verf mirando cu e ta bin den un variedad di color.
Geraldine Oduber di ATCO a menciona tambe e descuento cu lo bay tin riba santo y piedra pa basha, pero tambe lo tin descuento riba blokinan regular y hopi mas. No por laga afo descuento special riba e ready mix concrete pa esnan cu ta bay basha vloer, fundeshi, ringbalk y ta contruyendo pa probecha di e tremendo descuentonan aki riba e fechanan menciona.
Por uza e oportunidad di gosa di e descuentonan aki na e tres sales officenan, cu ta na Barcadera, Shaba y na San Nicolas. Ta subraya e importancia di tene nos mes na reglanan di distancia social y tambe lo tin notificacion pa indica cu ta permiti unicamente dos persona den sales office na mes momento. Tur esaki pa evita aglomeracion.
ATCO a pone tambe e opcion disponibel pa haci pedido via email: [email protected] , tambe via whatsapp: 594-3782caminda un representante di benta lo atende e cliente. Un invitacion ta bay na tur esunnan cu ta construyendo, renobando y kier embeyece nan cas pa pasa na ATCO Concrete products NV, probecha di e descuentonan durante e “Yard Sale Week” riba tur e material di calidad cu nan tin pa ofrece.
