Durante tres dia Colegio EPI Hospitalidad & Turismo a organisa un charla di hoben pa hoben relaciona cu entrepeneurship y kico tur esaki ta encera.
Ruben Manes, docente na EPI Horeca y Coordinator Leadership Program cu ta tumando actualmente na Colegio EPI, a cuminsa na bisa cu mundo di turismo ta cambiando. Pero tambe e mercado di esunnan cu ta bin Aruba ta cambiando.
Esey ta trece oportunidadnan nobo pa e studiantenan cu ta gradua Colegio EPI sector Horeca, pa no solamente drenta den e mercado di hotel y restaurant. Pero tin otro oportunidad nobo cu ta bin, cu antes no tabata t’ey.
Pa Keana Statia, studiante di EPI Hospitality Tourism, e charla tabata un experiencia inolvidabel pa haya mas informacion di kico mester sa si bo kier habri bo mesun negoshi.
