Droga na scol keto bay un problema serio

Polis a yega scol un biaha mas pa atende situacion cu alumno cu droga den su poder. Esaki ta birando un situacion serio y frecuente cu mester di atencion mas pronto posibel.

Polis a presenta un biaha mas na EPB Hato, den careda di 10:30 am, pa un alumno gara cu droga na scol. Tin di menciona cu esaki no ta prome asistencia di polis na dicho scol y no ta prome detencion den e area pa hendenan gara cu droga sospecha di ta bende esaki cu hobennan den cercania.

Segun por a compronde, no a detene e alumno pero mirando cu e ta riba tereno di scol a pidi presencia di polis pa atende cu ne. Situacion di droga keto bay ta problema serio y esaki por a observa e siman aki na momento cu a detene tres hoben cu pakinan grandi di marihuana den nan vehiculo den e vecindario.