Caya grandi na San Nicolas semper tabata conoci pa su barnan, unda tin prostitucion legal ta tuma luga. E muhenan ta yegada cada tanto luna for di Colombia y mesora nan ta programa pa haci nan examennan medico. Despues di keda dos luna aki, e grupo ta bay y otro ta yega. Un programa cu semper doñonan di bar a percura pa cumpli cu ne. Pero cu e pandemia a causa di coronavirus, a haya nan mes obliga di manda tur muhe Colombia como un forma di proteccion pa nan mes y e clientenan. Pero awe e doñonan di bar, un aña cu portanan cera, no por wanta mas. Mientras cu nan ta hogando den nan debenan pa sigui tur cos segun ley, rond di nan ta surgi cambernan, koei, of barnan ilegal. Sitionan conoci den comunidad, pero niun autoridad ta actua.
Marcel de Cuba, doño di Roxi Bar ta hopi preocupa. Pa su mala suerte, el a cera su bar un poco prome cu e pandemia a yega, pa haci un renobacion grandi. Net despues a haya ordo pa cera bar y stop cu e negoshi cu nan ta haci. “Mi no por a habri ora cu mi a keda cla, e pandemia tabata algo cu niun hende por a premira.”
Nan a haci tur lo posibel pa mustra gobierno riba nan situacion, pero no ta haya ningun reaccion. Nan ta dispuesto pa sigui tur regla. Ademas, nunca, ni den bon tempo tabatin aglomeracion den barnan, pasobra e maximo di cliente pa anochi por ta 50 den momentonan hopi druk.”
Nan ta en espera pa haya aprobacion di gobierno, y si hay’e mes, e lo dura casi dos luna prome cu nan por cuminsa traha, ya cu mester regla tur e permisonan necesario y haci controlnan medico.
Marcel de Cuba: Barnan di San Nicolas nunca tabatin aglomeracion
Caya grandi na San Nicolas semper tabata conoci pa su barnan, unda tin prostitucion legal ta tuma luga. E muhenan ta yegada cada tanto luna for di Colombia y mesora nan ta programa pa haci nan examennan medico. Despues di keda dos luna aki, e grupo ta bay y otro ta yega. Un programa cu semper doñonan di bar a percura pa cumpli cu ne. Pero cu e pandemia a causa di coronavirus, a haya nan mes obliga di manda tur muhe Colombia como un forma di proteccion pa nan mes y e clientenan. Pero awe e doñonan di bar, un aña cu portanan cera, no por wanta mas. Mientras cu nan ta hogando den nan debenan pa sigui tur cos segun ley, rond di nan ta surgi cambernan, koei, of barnan ilegal. Sitionan conoci den comunidad, pero niun autoridad ta actua.
Marcel de Cuba, doño di Roxi Bar ta hopi preocupa. Pa su mala suerte, el a cera su bar un poco prome cu e pandemia a yega, pa haci un renobacion grandi. Net despues a haya ordo pa cera bar y stop cu e negoshi cu nan ta haci. “Mi no por a habri ora cu mi a keda cla, e pandemia tabata algo cu niun hende por a premira.”
Nan a haci tur lo posibel pa mustra gobierno riba nan situacion, pero no ta haya ningun reaccion. Nan ta dispuesto pa sigui tur regla. Ademas, nunca, ni den bon tempo tabatin aglomeracion den barnan, pasobra e maximo di cliente pa anochi por ta 50 den momentonan hopi druk.”
Nan ta en espera pa haya aprobacion di gobierno, y si hay’e mes, e lo dura casi dos luna prome cu nan por cuminsa traha, ya cu mester regla tur e permisonan necesario y haci controlnan medico.
