DRH ya caba tin 55 peticion aden pa haya VUT

146
i10 Sedan
Send a Tip 24 Whatsapp
Download nos App
CMB Ban Cobra
RBC Loan Calculator
Special di Diamars Ling Sons

No ta for di awo gobierno ta otorga VUT na esnan cu kier tuma nan retiro tempran. Hopi biaha empleadonan publico cu ta yegando nan pensioen, ta bin na remarca pa por baha tempran cu un areglo di pago. Cu mas aña di servicio trahando den sector publico, e empleado por yega te na un maximo di 3 aña di pago, pa despues e switch di biaha riba su pensioen. Segun Omaira Lares, directora di Departamento di Recurso Humano, aki dos siman e reglamentacion di VUT ta drenta na vigor. Tin un team na DRH cu ta atende cu e peticionnan di VUT. DRH tin ya caba 55 peticion aden, di cual cu un paar a wordo atendi caba y pa e biaha aki tin cu bisa cu e informacion ta bayendo hopi bon. Pero door cu ta falta dos siman pa e VUT cera, DRH a dicidi e ora pa duna informacion riba tereno di e peticionnan di VUT.

CIBC Get Moving
ecosport
Redfish lunch Special Sept
Montero 1 Summer

Hurista Antonio Caster a splica cu e VUT ta ancra den un ordenansa nacional. Via di e VUT, empleadonan publico por haci peticion pa tuma retiro voluntario. E retiro voluntario aki ta mara na un areglo di pago. Una bes cu bo haci un peticion, cual bo tin cu bay na DRH, caminda bo ta haya un formulario. Bo ta yena esaki y entrege na DRH. Bo ta duna un fecha ki dia lo bo kier sali for di servicio di Land Aruba.

 

Pakico?

E VUT ta den cuadro di e rebaho of e control di gastonan di personal di pais Aruba, esta gobierno y esaki ta pa motiva empleadonan cu kisas ya a yega un cierto edad, of kisas no tin e ambicion mas, of no kier traha mas pa pais Aruba, por haci uso di esaki, pa nan por tura nan retiro.

Bo ta haci e peticion. Tin un comision cu ta evalua e peticion cu a wordo haci y tur hende en principio, esta empleado publico, ta bin na remarca pa haci esaki. Durante esey ta bay wak kico e consecuencianan lo por ta pa e departamento di gobierno.

E comision di evaluacion ta wak esaki y ta mira si e persona aki, dependiendo su funcion y tambe e consecuencianan pa e departamento, si e ta bin na remarca si of no.

En principio ta e procedura con e ta bay. Mas tanto tin hende cu ta yegando cierto edad, cerca di pensioen y ta motiva nan pa por sluit esaki aan riba e pensioen. Ta tuma e VUT y ta warda te ora cu yega edad di pensioen pa ricibi esaki di biaha.

Den e proceso aki tambe no ta tur empleado publico por aplica pa e VUT.

Bo ta haya algun excepcion. Manera tin personanan cu ta docente, tin personanan cu ta traha pa un fundacion di gobierno, manera Post, Elmar, pero tambe otro dienstnan cu kisas ta hopi importante pa pais Aruba, ta bon na remarca.

Loke ta importante cu ta mira, kico ta e educacion di e persona, esta un kaderpersoneel. E tin cierto educacion, sea cu ta un WO of HBO. Por lo general tur hende por aplica pa e VUT y ta evalua esaki.

 

E areglo di pago cu bo ta haya ta cu dependiendo cuanto tempo e persona tin den servicio. E ta bay pa un maximo di 3 aña. Si bo tin minimo 10 aña di servicio bo por bay te cu 3 aña unda bo ta haya un pago. E pago di e prome aña ta 90%. E di dos aña ta bira 80% y e ultimo aña ta 70%. E ta algo cu bo por tuma bo retiro pero bo ta keda cu un siguridad financiero, cu bo tin un entrada pa e periodo ey.

 

No ta tur por hay’e

No ta tur peticion di VUT por wordo concedi, segun hurista Antonio Caster. E empleado tin e posibilidad pa apela e decision, unda cu e ta bay na e comision di obhecion di LAR, unda cu ta bay wak un biaha mas, si enberdad, ora cu a nenga e persona aki, si e decision tabata bon tuma y si e tin base.

 

No por traha bek den gobierno

Loke tin cu remarca ta ora un hende cu haya VUT, esta su peticion wordo concedi, e persona aki no por drenta bek den servicio di pais Aruba. En todo caso, no durante e periodo cu e tin e VUT, ni tampoco cinco aña despues, segun Antonio Caster.

 

Cierto rekisitonan

Pa un empleado publico haya VUT, e mester cumpli cu cierto rekisitonan. Segun hurista di DRH, Antonio Caster, tin cu wak principalmente loke ta e departamento. Tin cu sigura cu e departamento ta duna mester por keda na un cierto nivel y si e persona aki tin por ehempel un funcion clave den e departamento, no por bay dun’e un VUT y cu e departamento su servicio ta bay sufri daño. En berdad tur hende por aplica pero tin cierto rekisito cu hende tin cu cumpli cun’e. No tur hende no por bin na remarca. Ta motiva si pa haci’e si nan kier purba wak si tin un chens.

 

E registracion

Caster a sigui splica cu motibo cu algun di e empleadonan cu a wordo nenga, ta pa motibo cu por ta e persona tin cierto funcion, e ta un hefe di un dienst, of ta un kaderpersoneel, Door di esey hopi biaha no ta bin na remarca pa haya un VUT. Ainda tin 55 peticion cu a drenta, pero ainda tin un periodo di 2 siman, y por spera cu mas hende lo aplica pa esaki. Te awor aki, ta un bon feedback cu a haya, qua peticionnan. DRH ta hopi positivo riba esaki.

 

E cantidad di personal cu kier bay cu VUT

Desde 2014 a habri VUT y te cu awor aki, y a concede rond di 280 persona pa por bay cu VUT, segun Caster.

Comments

comments

Test Drive Cordia Carnival Village y Do It
AC Delco 20% Service
Dragon Fly
home improvent