Diabierna mainta personal di Dienst Openbare Werken (DOW) a tapa un buraco cu a bay ‘viral’ cu su flor. E ta na e rotonde poco pariba di warda di Polis na Santa Cruz. Como dies dia pasa un ex-polis, cu awendia ta duna rijles, a planta e flor net den e buraco memey caminda. Tur hende a mir’e y tur hende a comenta.
No a soluciona e problema mesora y tin un motibo. E motibo ta cu no tabatin asfalt. DOW ta haci uzo di dos compania cu tin planta di asfalt pa asina haya material pa por cumpli cu e demanda.
Pa motibo di yobida, ta hopi caminda a sufri daño y a causa creacion di yen di buraco hopi caminda rond di Aruba. DOW tin un team cu ta traha hopi duro dedica solamente na tapa buraco cu asfalt.
Despues di dos siman sin asfalt a logra sali bek diabierna y cumpli cu e trabounan pa yena buraco. Ambos planta tabata defecto y no por a draai pa entrega asfalt ultimo dos simannan.
E trabou ta continua y segun yamada cu drenta di keho, e team di DOW lo sigui brinda servicio. Ta pidi pueblo disculpa pa e inconvenienca, cu tabata for di nan alcanse.
