Den careda di 6or diahuebs atardi, polisnan di Strand Politie a dirigi nan mes na Arashi Beach pa dos persona cu a haya problema den lama riba waverunner. Na prome instante Tabata mira for di tera si tin hende den problema. Mas bien Tabata mira waverunner riba distancia pero nada di hende.
Despues a drenta informacion cu un tiki mas panort na Arashi dos hende a landa yega tera. E patruya a topa cu e dos personanan y mesora a cuminsa tuma datos di loke a pasa. Un di e personanan a conta polis cu nan a sali for di Fishermans Hut cu e dos warerunnernan y net pabou di Arashi bBeach un waverunner a daña y e manehador di e warerunner ey un ola grandi a dale y e manehador a bay awa. E otro amigo su waverunner lo a keinta y a wak su amigo a bay bou awa y mesora a bula na awa y bay yuda su amigo pa asina nan landa bin tera. Di e forma ey yamada a drenta na polis.
Polis Maritimo a activa y a yega rapidamente y a bay direccion di e dos waverunnernan cu a bay hopi leu riba laman. Ambulance a presenta na Arashi pa asina Paramediconan duna asistencia na un di e manehadornan di e waverunner pasobra el a guli bastante awa. Polis Maritimo a logra topa cu e dos waverunnernan y mesora a cuminsa trata na startnan y asina trata na trecenan tera bek. Banda di Moomba a drenta cu ambos waverunner y asina e donjonan a sacanan for di awa riba trailer. Un final feliz Danki Dios.
