Diamars anochi tabata tin trekmento di lot na Centro di Bario Brazil p’e bandanan cu lo participa den Caiso & Soca Monarch 2024 riba 26 y 27 januari. Jairo ‘The Priest’ Maduro tabata presente, bisando nos cu su salud n’e momentonan aki ta fantastico. “Mi ta cla, mi ta bon.”
Prome biaha The Priest ta participa, ta inscribi y awor ta bay pa un final. “Bo sa, mi ta hay’e hopi leuk. Mi ta disfruta tur e dianan aki.” E ta definitivamente gosando di dje. Loke el a haya mas great te aworaki ta cu ta musica, cu ta pone hende move y trece hende hunto.
Mayoria di hende ta apoya The Priest a pesar cu no por complace tur hende, mirando cu e ta un pastoor y algun ta haya cu loke e ta haci no ta na su luga. “Participando den algo asina ki no ta kita nada di mi responsabilidad di tur dia,” segun The Priest.
Anoushka Noush Jeand’or tambe tabat’ey presente. “Nos ta cla, mescos cu pre-final nos a zorg pa traha di trempan, y e biaha aki atrobe nos ta ‘ready’,” segun Jeand’or, cu lo ta participando cu su cancion Rocking The Place. Pa Anoushka Noush Jeand’or, e publico ta esun cu ta haci e festival grandi.
E cantantenan ta mentalmente prepara y cu hopi concentracion. Hopi trankilo, hopi chill, enfocando pa bay ful p’e e fin di siman aki. Cu Fakkel, Buleria a presenta e piesanan y pueblo, Empire Carnival Group, mirones na banda a sa di brasa e temanan, tin hopi papiadera ey’fo pero tur hende ta keda rustig pasobra e fin di siman ki ta momento pa haci nan cos.
Dos anochi, tres corona, riba diabierna 26 y diasabra 27 di januari cuminsando pa 8’or di anochi na Aruba Carnival & Entertainment Village. Tickets ta obtenibel riba pay.aw of Citgo Boulevard, Sta. Cruz, Palm Beach & Essoville.
E secuencia pa diabierna anochi di Caiso ta:
1. ‘N Fuzion
2. Youth Extreme
3. DLS
4. Buleria
5. Musical Time
6. Tsunami
7. Noush and the Band
8. Hot Ones
9. D’Islanderz
10. Caribbean Band
11. Zeta Band
12. Shine Music
13. Sunrise City Players
14. The Crew
Y pa diasabra anochi cu Power Soca:
1. Caribbean Band
2. Duro Entertainment
3. DLS
4. Fenomemen
5. Hot Hones Band
6. Souana
7. D’Islanders
8. Youth Extreme
9. Xstatic
10. ‘N Fuzion
11. Buleria
12. Tsunami
13. Musical Time
14. Sunrise City Player
15. Zeta Band