Un persona cu su buchi a yena, a yega dilanti port’i negoshi y blokia entrada pa asina busca atencion di propietario di e truck cu nan a
bende y cu resulta di ta un trampa total. Den careda di 5:00 pm a pidi presencia di polis na un compania ubica
na Cumana pa asina interveni entre dos partido. Persona cu a cumpra un truck na e compania en cuestion a yega tur disgusta y para e truck den e entrada di e negoshi.
El a conta cu e tin mas di dos siman ta busca contacto cu e doño cu a bend’e e truck pa asina exigi su placa bek. El a indica cu na momento
cu el a cumpra e truck, cu esaki ta bin cu cinco aña di garantia pero cu no a dura mucho cu e truck aki a dal para y no a funciona mes mas.
Truck ta para! E persona aki a cumpra e truck como cu el a haya un contract/trabou basta grandi pa cumpli cu ne pero cu no a yega na cumpli como cu e truck ningun dia a funciona. Pa siman e ta perdiendo aproximadamente mil florin na entrada. A busca contacto cu esunnan cu a bende e truck pero no a logra cu esaki. Su buchi a yena y awe a tuma decision drastico di takel e truck y pone para dilanti porta di negoshi caminda el a cumpra esaki na Cumana. A bin un intercambio di palabra pero a dicidi di yama polis pa interveni. A pidi e persona pa move e truck y a inform’e cu miho opcion awo akinan ta cana su caminda legal.
