Despues cu Gobierno a subi accijnzen riba gasolin y a aumenta BBO na 6%, e gastonan di operacion pa esunnan cu ta brinda servicio di Taxi y Autobus a subi drasticamente. Cifranan di CBS te na luna di juli ta confirma un aumento di inflacion di 5.1% cu ta 6.2% mas cu e cambio den e mesun periodo aña pasa: “The percentage change of the CPI over the last twelve (12) months (July 2017 to July 2018) is 5.1%, an increase of 6.2 ppts compared to the percentage change for the same period of last year (-1.1%)”. Esaki ta cifranan y tendencia cu CBS a registra te cu Juli 2018.
E impacto mas grandi te awor riba costo di bida ta den e categoria di gastonan di cuminda y di transporte. CBS ta remarca riba esakinan: During this month, all twelve (12) sectors registered increases in prices. The increases that had the greatest influence on the CPI were registered for the “Transport” and “Food and non-alcoholic beverages”.
Esaki ta locual ta sinti tambe den comunidad. Pa esunnan den mundo di transporte, e aumento di gasolin y BBO ta dal dobel. Nan ta paga pa e aumento grandi di comestibel y esun di gasolin y diesel. E mundo di transporte ta sinti e peso aki como carga hopi pisa. Esey ta e comentario cu nos a haya di hopi chauffeur di Taxi y Autobus. E peso ya pa nan ta di mas.
[pdf-embedder url=”https://24ora.com/wp-content/uploads/2018/09/CBS-July2018.pdf”]
