E anochinan di Scaramouche, Visage, Contempo, Roseland y Scorpio’s Disco lo bolbe na memoria diasabra 26 di december 2026. Bodegas Papiamento ta presenta Disco Celebration, un anochi dedica na musica di decada di ’70, ’80 y ’90, cu DJ Edson Tromp y DJ Pitufo tras di e turntables.
Pa Edson Tromp, e evento ta un regreso na e musica cu a marca su trayectoria den bida nocturno di Aruba. El a cuminsa su carera como DJ na Club Scaramouche cu 18 aña. Na 1984, Club Visage a habri su portanan y a bira conoci pa su Ladies’ Night di diaranson. Tromp a traha dies aña na Visage y despues a sigui su carera na Cheers Cafe Bistro, Havana Beach Club y E-Zone. Na 2000, el a sigui na Cafe Bahia.
Pa e ocasion aki, Bodegas Papiamento lo parti e locacion den tres area: un bar, un pista di baile y un espacio pafo cu un food truck. E menu lo inclui sopi di carni, pan cu lomito y batata cu saus di pinda. E evento lo tuma luga na Werfstraat 7, unda antes e Ice Plant tabata situa.
E cantidad di ticket ta limita y ta obtenibel na Bodegas Papiamento di dialuna pa diasabra, entre 6:00 pm y 8:00 pm.