Home » Elizabeth Johnson a expone simbolo di Aruba na Miss Universe 2026

Elizabeth Johnson a expone simbolo di Aruba na Miss Universe 2026

by Lis

Durante e presentacion di Trahe Nacional na Coliseo de Puerto Rico, nos representante a desfila cu un creacion inspira riba e prikichi, cu na 2017 a keda declara parha nacional di Aruba.

E presentacion di Elizabeth a haya bon reaccion di publico den sala. Tanto e colornan y e creatividad di e trahe como e manera cu el a present’e a resalta su debut riba escenario principal di e certamen.

E show di Trahe Nacional tabata e prome evento oficial di Miss Universe 2026 riba e escenario principal. E 116 candidatanan a presenta nan pais pa medio di creacionnan cu ta refleha simbolo, tradicion y historia di nan cultura. Publico a por a sigui e show den Coliseo, via Telemundo y riba YouTube.

Dufry Aruba ta prepara pa Black Friday cu ofertanan te cu 50%. Tambe SETAR N.V. Ta cordabo participa den nan campaña pa gana te cu 10.000 florin cash!

Awenochi ta turno di e certamen preliminar

Awe, diadomingo anochi, Elizabeth y e otro candidatanan lo bolbe subi escenario pa e competencia preliminar. E programa ta inclui e apertura y e desfile den trahe di baño. E gran final ta programa pa diamars 24 di november, cu lo culmina cu coronacion di e siguiente Miss Universe.

Mientras e final ta acerca, fanaticonan cu a biaha pa Puerto Rico ta sigui e certamen di cerca. Na Coliseo, bishitantenan a probecha e oportunidad pa saca potret dilanti di e backdrop oficial, mientras cu riba rednan social e pronosticonan pa e final ta sigui circula.

The Casino at The Ritz-Carlton, Aruba y The Casino at St. Regis Aruba tambe ta invitabo hunga pa gana placa al instante y tambe haya ticket pa participa den e campaña pa gana voucher pa biaha pa bo destino preferi.

Elizabeth tambe a participa den un anochi solidario

Diabierna anochi, Elizabeth Johnson a asisti na un actividad di recaudacion di fondo na Caribe Hilton. E evento a recauda fondo pa causanan relaciona cu autismo y Alzheimer. E entrada tabata costa alrededor di 500 dollar.

Durante e actividad, Miss Aruba a comparti cu otro invitadonan y a participa den momentonan di potret y video.

OAK Restaurant, OPUS Restaurant, PICAHNA Restaurant y Ash Restaurant (Coming Soon) ta uni nan nomber na e cobertura, hunto cu THE W of Aruba y Tryp by Wyndham.

24ora.com ta sigui cu cobertura diario for di Puerto Rico, cu video, entrevista y actualisacion pa Aruba por sigui cada paso di Elizabeth Johnson rumbo pa e final di Miss Universe 2026.

Bo por gusta tambe

Adblock Detected

Please support us by disabling your AdBlocker extension from your browsers for our website.