Dia 18 mei 2020 Aruba ta drenta nivel 2 di recuperacion di nos economia y e “normal nobo” cu tin cu aplica y pa cual Directie Voogdijraad tambe ta haci di su banda pa ehecuta e “normal nobo” aki. Pa cu esaki Directie Voogdijraad ta informa cu entrante 25 mei 2020 nan lo habri bek pa publico.
Y pa haci esaki ta pidi cooperacion di tur persona cu presenta na oficina di Directie Voogdijraad pa tene cuenta cu lo siguiente:
- Lo atende cliente riba cita. Preferibel yama/email pa traha un cita
- Ta permiti solamente 3 persona na mes momento den e sala di espera
- Tin cu uza hand sanitizer ora di drenta e edificio
- Tin cu sigui e indicacionnan pafo y paden di e edificio y mantene distancia di 2 meter for di tur otro persona
- Preferiblemente no bin cu mucha (por tin excepcion pa cu esaki)
- Por fabor NO bay Directie Voogdijraad si Bo ta malo of tin cualkier sintoma di COVID-19
E proceso pa atende cliente na Directie Voogdijraad ta bira como lo siguiente:
- Ora cu e cliente presenta na Directie Voogdijraad, e lo tin cu yena un formulario y lo yam’e pa un cita
- Si bo tin un cita, por fabor yega na ora y no mas trempan. Avisa e bewaker cu a yega pa un cita y cu cua trahador
- Orario general lo ta 8:00am – 12:00pm y 1:30pm – 4:00pm
- Orario di cashier lo ta dialuna, diaranson y diabierna di 1:30pm – 4:00pm y diamars cu diahuebs di 8:00am – 11:30am
- Directie Voogdijraad lo NO acepta pago di alimentacion cash via di cashier mas, tin cu haci esaki via e cuentanan bancario na Aruba Bank 2215010 of RBC Bank 3147878 of por haci esaki via e mashin di ATM.
Recordatorio: Directie Voogdijraad ta pidi pa mas hopi posibel keda tuma contacto cu nan via telefon of e-mail. Por yama na 582-1262 y lo tuma tur informacion y lo tuma contacto cu e cliente pa un cita si ta necesario. Orario pa yama cashier lo ta dialuna, diaranson y diabierna di 8:00am – 12:00pm y diamars cu diahuebs di 1:30pm – 4:30pm.
Por manda un e-mail na [email protected] pa asunto di alimentacion of [email protected] pa asuntonan di areglo di bishita. Si tin cualkier pregunta general por manda e-mail na [email protected]. Ta pidi tur hende pa tene cuenta cu e cambionan aki.
