mr. Luenne Gomez-Pieters, director di Departamento di Impuesto (DIMP) ta bisa cu locual nan ta enfatisa hopi riba dje ultimo tempo sigur ta cu e contribuyente mester cuminsa custumbra cu sistema digital. E por trece cierto frustracion na comienso segun Gomez-Pieters, pero asina cu custumbra cu e sistema e ta bay mas facil y rapido. “Ora nos wak tambe e digitalisacion den cuadro cu BBO na frontera, comerciantenan a spera cu esaki lo ta un poco mas dificil of cu e lo trece mas dolor di cabes.”
Den caso di DIMAS pa loke ta permiso di stranheria, na Departamento di Impuesto nan tin e tarea pa colecta e sumanan cu hende tin cu paga pa cierto permiso. DIMP a digitalisa e trayecto aki caminda cliente por paga online of cu debit card. Na momento cu e cliente paga online y no tin un specificacion riba por ehempel di e CRV nummer of a yena esaki robes, no por reconcilia e pago. Consecuentemente e persona cu ta buscando su permiso pa un inwondende dienst-bode por ehempel no ta haya contesta di DIMAS.
Dus e ora DIMAS ta tuma contacto cu DIMP pa busca esaki den sistema. No ta asina cu e pago no ta registra, ta yama esaki un vage-betaling pasobra no por match cu informacion cu ta haya for di DIMAS. Consecuentemente DIMP ta tuma contacto cu e cliente pa asina por verifica e pago pa procesa esaki.
Lesa mas den TREMPAN.
