Mester regla un ke otro den salario, segun Eduard Maduro, presidente di SADA. Tin algun dienst ehecutivo den Gobierno cu tin un salarishuis for di e bezoldigingsregeling di Aruba mes cu ta conta den tur ambtenarij.
Ta algo cu semper a biba cerca e miembronan y ta e direccion cu directiva di e sindicato a hiba den e reunionnan cu tabata tin. Na prome instante DRH no tabata mucho voor pa esaki. Na final di dia a logra convence cu pakico nan no tambe, mirando cu nan ta geuniformeerde Dienst, cu tambe mester di un salarishuis. Ora cu ta traha den un cuerpo, cu den e caso di douane, polis of semimilitar cu rango, ta diferencia e manera cu ta wordo promovi den e salarishuis. Akinan ta caminda cu a para duro, hunto cu e miembronan, cu nan sosten. Danki na e minister tambe cu a compronde e punto di bista di e sindicato. Bon ta cu e minister conoce douane bon. E tin hopi experiencia den douane ambtenaren, mirando cu e mes tabata un douanero. Tambe ultimo e tabata fungi como director di departamente di douane na Boneiro. Esey tambe tabata un bon standpunt pa e sindicato. Ta mas facil pa por yega riba un liña cun’e. E minister a compronde nan, despues di un bay bin, algun discusion na mesa, algun rancamento di cabuya, pero a logra.
Maduro a aclarea, caminda cu ta trata aña di eleccion y cu ta awor ta probecha haci esaki. Bestuur di e sindicato tin varios aña ta bin riba mesa. Como directiva nan ta shete hende y nan no ta esun cu ta dicidi pa e mas di 100 hende cu ta den cuerpo di douane. Tanten cu nan no duna e mandato of pone pia abao y pa pone presion manera cu a sosode na December, cu 100% di Douane a sali afo y mustra mal contento, nan ta man mara. E miembronan a haya awo cu ta basta di warda y a acerca directiva, caminda cu a traha un manifiesto na december y minister a compronde esaki. Pa hopi aña douane ta pega den e reorganisatie. Ta mas cu claro cu tin cu duna e ambtenaarnan e respet aki. El a tarda un poco, pero ta contento cu a logra y ta un logro hopi grandi pa cuerpo di douane.