Diasabra awo, dia 6 di maart, lo bay tin un Santa Misa na Kapel di Alto Vista y na San Nicolas den Kapel di Cas Curason di Maria (Blue Army) pa 7’or di mainta.
Pa 6’or y 15 di mainta lo resa e Santo Rosairo “Misterio Gososo” y despues ta resa Salve Regina.
Ta invita tur fielnan pa asisti diasabra 6 di maart na e Santo Sacrificio di Misa. Mama Maria a bisa na Fatima na e tres wardadornan, “Tene abstinencia y haci obranan di caridad pa haya Indulgencia Plenaria. Laga nos bay diasabra mainta trempan pa ofrece nos ora y asisti na e bunita ora den un biento fresco di lama, y resa pa tur esnan cu ta sufri di e pandemia cu ta azota mundo.
Cada hogar ta sinti e afecto aki, cu no ta agradabel. Laga nos ta resa pa necesidad di Iglesia Universal, pa Papa Francisco, Obispo Luis Secco, tur sacerdote y laiconan. Pa nos Gobernantenan y tur cu ta carga responsabilidad pa nos pais Aruba. Laga nos resa pa enfermonan den hospital, cu pronto nan recupera di nan salud, pa tur cu ta tristo pa un yiu stima cu a cay den mal caminda. Hopi hende no tin trabou, otro ta den pensamentonan con ta bin cla cu e placa cu nan a haya. Dios manda pa tur esnan den necesidad spiritual y economico solucion pa nan por biba den trankilidad. Pa enfermonan na cas, y den exterior.
