Pa hopi tempo caba ta reina un polemica entre inversionista, APA, Stichting Rancho y gobierno relaciona cu e edificio di Harbour House Aruba. Despues cu a inicia un proyecto di remodela e area rond di e edificio, un parti di caminda publico ta core peliger di keda cera pa comunidad general pero principalmente e piscadonan di Waf’i Rancho.
E acceso na e pier ta core peliger cu e proyecto aki. E ta un problema di awo, pero ta anda pa algun tempo caba. E piscadonan ta sinti cu e partidonan ta trapa riba derecho di e humilde piscado. Partidonan no por yega na otro y e piscadonan ta sinti cu nan no ta haya atencion ni di gobierno y tampoco APA. Mirando cu e proyecto ta den full swing y no ta haya atencion di partidonan, entre otro gobierno. A opta pa sinta cu lider di partido AVP, mr. Mike Eman.