Dialuna marduga e miembronan di siguridad cu ta cuida Palm Beach Plaza a bati alarma na polis pa un situacion sospechoso. Nan a topa cu un homber drumi den auto. Mirando cu esaki por ta peligroso pa e chauffeur mes, a opta pa laga polis mes atende e situacion y mira con por yuda e chauffeur aki.
Na yegada di e defensornan di ley, a constata cu berdad tabatin un homber na soño den e auto. El a bisa polis cu e tabata burachi y a opta pa sosega su curpa un rato. Pero como cu a mira cu e tabatin basta pertenencia di balor benta den auto, a conseh’e pa miho nan hib’e bay drumi na su cas.
Como cu e homber tabata mustra basta relaha caba, polis a dicidi di dun’e un lift pa cas. A opta pa laga e auto si na lock atras den e parkinglot di Palm Beach Plaza.
