Dialuna, dia 3 di juni 2019 ta e ultimo dia cu por entrega e declaracion di winstbelasting 2018
y haci e pago corespondiente.

Si e cliente no ta alcansa pa entrega e declaracion, e ora e tin cu entrega e declaracion provisional (voorlopige aangifte). Den e caso aki tambe mester cumpli cu e pago di winstbelasting di acuerdo cu e declaracion entrega.

E fecha final pa entrega e declaracion provisional y haci e pago corespondiente ta 3 di juni 2019. Solamente si entrega e declaracion provisional y haci e pago concerni, e ora automaticamente e cliente lo haya 6 luna mas di tempo pa e por completa y entrega su declaracion definitivo. Si no cumpli cu entregamento di e declaracion of e declaracion provisional, e cliente lo haya un cobransa adicional esta un ‘naheffingsaanslag’ inclui boet. Esaki tambe ta e caso si acaso e cliente a paga un suma menos cu locual el a declara na winstbelasting. E boet pa no cumpli cu entregamento di e declaracion ta maximo Afl. 2.500,-. Si no haci e pago di winstbelasting of no haci e pago corectamente, e boet ta maximo
Afl. 10.000,-.

Comments

comments