For di awe mainta te cu 6:00pm, comunidad di Aruba por aporta na e organisacion Mi Bos ta Bo Bos, cu ta colecta cuminda pa por distribui na esunnan den mas necesidad. Te di tres evento cu ta organisa, debi cu e demanda pa alimentacion dia pa dia ta aumenta mas.
Ta pidi comunidad pa aporta cu tur locual nan por duna na comestibles, preferiblemente di bleki, pues nada frieu. Pensa riba aros, Corn Flakes, lechi, sauseishi, bonchi y asina por sigui menciona.
Pa por haci e proceso mas facil y eficiente, e contribuyente no mester ni baha for di su auto. A traha un sorto di “Drive Thru” dilanti di Giselle Departament Store na Noord, den cual por pasa den Bo auto y keda sinta trankil pasobra e boluntarionan mes ta tuma bo comestiblenan for di Bo.
