Ex Minister di Salud Publico y Deporte (2009-2013) no a aprecia e forma con Aruba a organisa henter e procedura di habri frontera y e gastonan adicional cu ta cobra cada pasahero. Siendo Arubiano, cu cas y negoshi na Aruba, e no ta sinti cu e merece paga dos biaha pa test, paga dos biaha pa seguro, etc. E ex-mandatario ta boga pa revisa e asunto aki miho y e kier su placa bek. “No ta bay pa e placa, sino pa principio”, asina su señora Aysel Erbudak a skirbi den un keho oficial na Aruba Tourism Authority.
E pareha a yega Aruba ayera riba e vuelo di KLM for di Hulanda. A yega hunto cu nan yiu. Prome cu subi avion, a upload un test negativo cu nan a haci na Hulanda. Asina mes, aki na Aruba a cobra nan tres biaha €65 pa bolbe haci e PCR test!
Comosifuera poco, ta obliga pasaheronan pa cera un seguro di Covid-19 na Aruba via e website dedica na esaki. Pero nan no ta ni puntra si e pasahero tin un seguro caba. Ta haci comosifuera ta e tres companianan chikito di seguro na Aruba so por sigura pa Covid of cu nan tin un sorto di “monopolio” cu e seguro aki, locual sigur ta cuestionabel. Ex-Minister dr. Richard Visser a garantisa cu su seguro mundial di biahe, di cual ta inclui Aruba, ta cubri tur gasto di cuido pa Covid-19, cu ta inclui air ambulance of vuelo di regreso si ta necesario.
“Asina mes a obliga nos pa cera un otro seguro di biahe di Aruba pa e duracion di nos estadia na nos cas”, asina Aysel Erbudak a skirbi den su carta di protesta. El a tende di mas hende cu nan lo no biaha pa Aruba debi na e gastonan innecesario cu ta cobrando adelanta prome cu yega e isla. Ta sigura turistanan dobel pasobra no ta tene cuenta cu nan tin un seguro caba. Otro keho ta e test di €65 cu ta cobra cada pasahero siendo cu nan a haci un test similar caba na Hulanda dentro di 72 ora prome cu bin Aruba. Tene cuenta cu na Hulanda e mesun test ey ta costa €180 pa cabes, pues hunto cu e €65 di Aruba a paga €245 pa cada miembro di famia!
“Ik vind het jammer dat jullie je huiswerk niet goed gedaan en ook een half functionerend systeem hebben. Documenten die worden geüpload worden niet eens gecontroleerd door het systeem. Zolang je maar betaald voor de reisverzekering en een PCR test geeft het systeem goedkeuring om te komen”, segun Aysel Erbudak.
Ex-Minister dr. Richard Visser ta haya cu e sistema mester haci e pregunta cu si e pasahero tin un seguro valido caba, pa cual por añadi e polisa y prueba y si acaso a haci un test di PCR caba of tin un declaracion di Bo Dokter di cas, pa no cobra e mesun pasaheronan ey un otro €65 atrobe ora yega Aeropuerto di Aruba.
“Ik wil graag betaling aan PCR testen op Aruba terug 3 x 65 euro. En ik wil graag de kosten terug voor de reisverzekering die ik heb moeten afsluiten via jullie systeem, terwijl wij al aanvullend top verzekerd zijn. Het gaat mij niet om het geld, het is een principe kwestie. Heb deze klacht ook bij KLM gemeld”, asina Aysel Erbudak a termina su carta, den cual ta firma tambe pa su pareha ex-Minister dr. Richard Visser.
