Diamars atardi a tuma luga un entrada hudicial na un cas na Casibari. Na yegada por a nota cu polis ya caba tabata tin e area cera y cu investigacion tabata andando caba den e cas.
Presencia di Hues Comisario, CEA, Fiscal, Team Forensico di polis y Team di Recherche tabata grandi na Casibari 12A. Tin di menciona cu e cas en cuestion ta conoci caba, den pasado nan a yega di haci varios entrada na e cas relaciona cu benta di droga den e bario.
Informacion cu a compila te na e momentonan aki ta indica cu lo tin mas di un detencion relaciona cu e caso. Den oranan di mainta tabata tin detencion di algun sospecho cu lo a cumpra droga na e cas caminda a haci e entrada hudicial aki. Mientras cu tin un otro persona detene na sitio.
Lo keda pendiente riba un update di parti Cuerpo Policial relaciona cu e caso.
