A pidi presencia cu urgencia na Arendstraat pa un homber cu a bira raso y a manda chapi den windshield di un auto para eynan.
Diaranson atardi, den careda di 2:20PM a pidi presencia di polis na momento cu un homber a perde cabes. Tabatin tiramento di palabra entre esnan na sitio a cay masha den mal tera.
E persona a rabia y pasa man pa chapi y manda esaki den winshield di e auto staciona dilanti cas den Arendstraat y kibra esaki y pa colmo su propio yiunan tabata sinta den e auto. Si no ta pa un maniobra haci pa e mama, sinta na stuur, e por a resulta otro.
Polis na yegada no a topa cu ne, pero a duna informacion di ken e persona ta y a bay direccion Socororowijk caminda e persona aki tabata encontra su mes.
Un rato despues a deten’e y transport’e pa warda pa duna cuenta di su acto.
