Cu mas di 30 aña di experiencia den Dienst Openbare Werken (DOW), awe mainta a drenta e noticia tristo cu Jossy Kock a fayece. E tabata hefe di e departamento di “Uitvoer” na DOW. Parce e tabatin reto cu su salud, a mehora hopi, pero Covid a dal’e den fin di aña cu a complica e situacion mas ainda y den tres luna di tempo a caba cu ne. Su coleganan a haya e noticia como un sorpresa y inespera, pasobra hopi a kere cu e lo recupera y surpasa e enfermedad.
Jossy Kock tabata escencial e ultimo decadanan den mayoria di e trabounan di mas importante den infrastructura di nos pais. Embeyecimento di Caya Grandi, proyectonan grandi den bario, embeyecimento, Green Corridor y Watty Vos Boulevard tabata parti di su trabounan di tur dia. Separa di ta un ingeniero, e semper a scoge lo miho pa Aruba y pa nos isla por tin un infrastructura di calidad y pa nos tur ta orguyoso di dje.
Na su famia, colega y conocinan, nos ta expresa palabranan di condolencia y cu Jossy sosega na paz.