Un persona cu a traha hopi di cerca cu ne tabata Freddy Zedan, Director di Divi Tamarijn All Inclusive. El a recorda cu Jorge a cuminsa traha cu nan na aña 1977, como busboy. Ya caba despues di 3 aña el a subi di puesto pa waiter, pero no a tuma hopi largo cu el a sigui crece den su trabou, unda cu el a yega na supervisor di Breakfast Buffett na Tamarijn, den un tempo relativamente corto.
Loke ta remarcabel di Jorge Lugo ta cu den 45 aña di servicio, nunca el a bay cu AO, es decir e tin su trackrecord completamente limpi, for di dia cu el a cuminsa te cu awo cu e ta retira, 45 aña despues. Pa Zedan tabata un honor pa a traha cu Jorge, cual tabata algo cu tur su trahadonan a aprecia.
Jorge ta laga su marca atras, como un persona comprometi cu su trabou y su restaurant. El a haci un excelente trabou den tur su añanan cu e tabata den servicio y sigur su coleganan lo haya su falta. Pero sigur tur e portanan di Divi Tamarijn All Inclusive lo keda semper habri p’e, pa e bin disfruta di e restaurantnan di Divi Tamarijn All Inclusive.
