A pone riba papel, ora cu coordinado di Minister Rocco Tjon for di Cocolishi a yama Cuerpo Policial Aruba pa pone presion pa investiga e caso di NO MORE HOTELS. Hasta a indica cu e posibel sospechoso ta ruman di Desiree Croes.
A acerca mr. Desiree Croes riba e asuntonan aki, mirando cu sea e proces verbaal ta falso of e politiconan manera Rocco Tjon of Evelyn Wever-Croes. Ambos minister a desmenti categoricamente cu nan ni nan hendenan a yama polis pa pone presion, aunke realidad ta mustra otro.
Den combersacion cu Croes, el a conta cu e proces verbaal ta un realidad, no ta trata aki di algo falso. Croes ta abogado di Nigel Maduro y pa puro casualidad su nomber tabata den e proces verbaal. Berdad, ruman di Croes ta un activista pero no tin nada di haber cu e caso aki. No a dura mucho cu hasta a yama e ruman di Croes pa un interogracion, pero na final a conclui cu e no tin nada di haber. E ta un hilaridad con un minister ta instrui polis ki caso tin cu duna prioridad of no.
Na su turno, mirando e echo aki y cu ta locual a sosode e ultimo añanan di gobernacion di Gabinete Wever-Croes , caminda ta persigui personanan cu no ta di mesun pensamento cu nan, Croes a dicidi cu lo bay entrega un keho y pidi un investigacion. Esaki no por sosode nunca, unda cu for di politica ta pone presion riba politica.
