Departamento di Impuesto (DIMP) a anuncia cu diabierna awor, dia 29 di november 2019, nan oficinanan lo ta cera henter dia en conexion cu un dia di reflexion interno pa “Dia di Belasting”. Consecuentemente, diabierna awor lo no tin servicio na publico tanto na nan oficina principal na Camacuri como na MFA Noord, MFA Paradera, MFA Santa Cruz, MFA Savaneta y Oficina di Gobierno San Nicolas.
Departamento di Impuesto ta pidi su clientenan pa tuma nota di e participacion aki pa evita cualkier inconveniencia. Riba dialuna, dia 2 di december 2019, Departamento di Impuesto ta habri bek y tur servicio lo continua manera custumber.
