Deo Fluonia deteni sospecha di acoso sexual cu un damita

927

E homber conoci como Bodyguard cu den pasado tabata sospechoso caba pa otro asuntonan rond di beach, ta deteni atrobe. Aki ta trata di Deo Fluonia cu ta tambe Bodyguard di Otmar Oduber durante campaña y tambe durante parada di Carnaval cu e Grupo TOB.

Den pasado recien hasta el a cay cera pa asunto di celular cu a somenta riba beach y despues a haye den su poder ora Polis a pare. Mientrastanto awor den e area di Hot Zone el a sigui un damita di 20 aña. Ta ser menciona cu ta un damita turista.

E tabata sigui su tras tur caminda. Te hasta den e nightclub e tabata sigui e mucha muhe aki. Despues cu e damita a bandona e nightclub atrobe Deo Fluonia a sigui su tras. Parce te hasta e damita a purba core pa Deo y el a core su tras. Tur e escenanan aki a wordo capta pa camera di seguridad. E damita a bay haci denuncia pa e acusacion serio contra Deo Fluonia. A base di investigacion a bay over na detencion. E ta cera na warda di Polis na Santa Cruz. E ta pasando den un proceso di interogacion.

Diamars el a keda deteni. A base di investigacion autoridad a confisca varios imagennan riba e camera di seguridad den e zona. Riba e imagennan ta mira e yegada di Deo Fluonia na entre otro e nightclub. Tin imagen cu autoridad a haya den e nightclub y despues cu el a bandona e nightclub. E imagennan ta mustra claramente con Deo tabata sigui y molestia e damita. Parce cu e no a abusa sexualmente di e damita pero e intentonan tabata tey.